一直拖咗一个多星期先开始写。一直都有嘢做，或者唔想写。呢次系用Email发上去Space噶。试试咯，哈哈。

好开始写啦。去泰山之前既个几星期，北佬发SMS问我去唔去泰山，我问佢有咩人，佢话北京就佢一个，上海果边有小明佢哋几个，我见佢咁可怜，咁就应承佢陪佢去咯。就咁样决定咗去旅游啦，跟住就订咗车票。31号晚黑，我同佢约咗系北京火车站广场既旗杆等，佢居然提前咗到，好惊讶佢无迟到（晨子：不要打我啊）。贵人出门就系有事噶啦，结果火车延误咗两个钟，据说系因为京沪线某段路轨脱轨了，所以全部要停车抢修。

我哋既行程系先到曲阜睇三孔——孔府、孔庙、孔林，再去泰安爬泰山。

我哋系曲阜落车，一落车，发现火车站就系得一个平房咋，最多就两个篮球场大小，呢个城市系一个县级市，我哋打面的去孔庙同上海帮会合，沿途睇到都系非常破旧，很萧条。

孔庙，系孔子原来既住所，后来改成庙来祭祀孔子。孔府又名衍圣公府。是历代衍圣公的官署和孔子后裔直系子孙的住宅。孔林，孔家族既家族墓地。

我哋系孔庙会合之后一齐行动，出咗孔庙之后我哋一人刻咗一个章做纪念，我念起好多年前我老豆去曲阜都刻咗个章比我。孔庙同孔府系一起的，跟住我哋入去孔府，行完之后，我哋睇指示图，话孔林距离只有1KM，我哋决定行路过去。系出口果度见到有个邮政亭可以盖纪念戳，我系明信片上面盖咗寄咗出去。我哋变成驴行一族，行路过去，结果发现路程远远唔止一公里！果个应该只系门口到门口距离，入面仲要行成一倍路程，做咗水鱼。我哋系孔林请咗个导游讲解，好快又行完孔林。

我感觉曲阜呢个城市其他行业好萧条，只系靠三孔维持整个城市既运作，工业、商业都无，就系得旅游相关的第三产业，而且又好多昆人既地方。我感觉好悲，咁既城市要如何发展？

唔好讲呢down既嘢，继续行程。

跟住我哋打的去到汽车站，搭长途客车去泰安。系泰安果边，上海帮既海怪有同学系果度，果个同学家长系海关既，帮手接待我哋。海关招待所果度环境好好，我哋住套间啊！晚黑，海怪的同学家长好热情，煮饺子比我哋吃，我唔知道佢哋煮咗几多，反正我哋唔好意思唔吃，我吃咗好多好多，爬山果时我自己闻到我呼出既气有韭菜、芹菜呢味道。

跟住我哋休息到晚黑10点钟，海怪的同学家长用车送到山脚，我哋正式我哋泰山爬山之旅。

我哋一开始好有兴致，仲爬得好快，当地人话要6个钟，当时我哋念3个钟就上到去啦。点知真系好辛苦，上到1/3果时已经感觉唔得，但系路仲有好长！我呢衫湿咗又湿，应该讲湿透晒。大家到咗后来手脚并用，上到3/4果时往后望，发现原来咁高噶座山。经过6个钟不懈努力，终于上到山顶（唔系最高处），跟住我哋系呢商店果度租咗军大衣，继续我哋既行程。去到睇日出果度，揾好地方就坐低，等日出，山顶风好大，着住军大衣都感觉到好冻！我怀疑我哋班人既感冒就系果个时候开始既。等咗两个钟头，终于见到日出，真系好靓啊！睇完日出，我哋上到玉皇顶，据闻系最高既地方。跟住我哋翻到租军大衣附近吃咗早餐。继续我哋既行程——落山。唔好以为落山容易啊，因为我哋上山晚黑无睇到风景，落山我哋行行停停，影下相，一共又用咗6个钟头落到山脚。我哋跟住搭巴士去市区揾地方吃饭，结果揾唔到一间有地方特色既，揾咗间模仿McD同KFC既快餐店，名字我都唔记得。然后我哋就系果度吃饭休息咗好耐，跟住去隔离既超市买咗D手信。跟住又无嘢做啦，我哋向火车站方向行进，发现一间小饭馆，入去吃晚饭。吃完就去咗火车站，因为上海帮7点几既火车，我同肥晨就去送佢哋车（我哋晚黑十点半既火车）。送完佢哋，我哋两个无事做，果度又无夜生活，结果我哋两个买报纸杂志系火车站到睇到上车就训觉，呵呵。

翻到北京之后，我休息咗一个星期都未完全恢复（翻到北京第二天我就和排球队一块训练了，伤上加伤）。

呢篇嘢写得好似流水帐咁，哈哈。

大家如果想睇相系相册入面，日出全部都有噶。

JMRBLEE@HOTMail.com