今日去实验室以为做呢嘢啦，发现好多资料都无准备好，真系失策！

 

下午念住去办公室揾老师倾下，点知老师去咗meeting，行翻去宿舍，念住换衫打波，结果出学校门口，撞到大我一届既队友，比佢拖咗去排球场，我先知道今日要训练，结果我着住牛仔裤＋衬衫训练，好彩唔系好激烈，不过都好巨。

 

晚黑吃完饭，去咗教学楼重温一下上自修既感觉，我去果度实际上喺睇专业报刊：《电脑报》＋《财富》。

咁又一日过去啦………………

 

好普通既一个Sunday，但呢个喺我呢次翻北京第一个Sunday。

我今日叫咗大学死党阿袁带我去佢去开果间西装店做咗套西装。

今日北京好大风，我又念咗好多嘢。

翻到学校经过操场果时突然想过一种咁既生活：

早上起身，做毕业设计，下午打波，打完喺操场边食支烟，冲个凉吃个饭，上阵网，训觉，好写意既生活。好似拍戏咁，

 

但我唔可以咁样，我要学嘢，无翻咁上下撑唔起头家噶，哈哈哈。

 

前面果个几月系广州intern，一直无时间写Blog（另一个原因系我懒）。

呢个期间发生左好多嘢，但我唔想写系个Blog，边个想八下就约我吃饭（你请啦更系，哈哈）。

我听日就搭飞机翻北京，做埋毕业设计就毕业啦，时间好快过去…………

 

从旧年开始就一直有朋友点名叫我写择偶条件，一直无写，现在一次过写，一次满足晒你地既愿望。

1.女性，我取向无问题噶。

2.身高1.60M以上。

3.认同我啦，（旁白：好废啊，唔认同你会同你一齐啦）

4.唔会虐待我，我甘瘦弱，系未先。

5.有中华民族传统美德，孝顺啊之类……至少要对我同佢屋企人都要好啦。

6.会煮饭，呢个定义就系比我会煮饭，我只识按电饭锅咋。

7.要同我唔同职业，工作带返屋企讨论好恐怖噶。

8.文化程度唔好同我相差太多，沟通唔到就恐怖。

 

我呢条件好简单咋，“女尔”肯定符合啦。：）

 

我忘记了玩点名：Apple、晖姐、肥猫、晓蔓、高飞、侯宇、解飞、Manfred，被点到的看到就写吧，我从来都不强迫的，好人吧，哈哈哈哈哈哈哈！